Grabitësi thyen derën e bankës me gurë, por nuk gjen gjë

21:36 | 5 Mars 2017
Trina Galanxhi

Një person ende i paidentifikuar ka tentuar të grabisë një bankë në Tiranë gjatë orëve të vona të natës.

Sipas policisë ngjarja ka ndodhur rreth orës 00:17 në rrugën “Hamdi Cinoimeri”, ku një person, pasi ka thyer me gurë derën enjë banke, ka mundur të hyjë brenda saj, ku pas kontrollit të shpejtë nuk ka gjetur asgjë dhe është larguar menjëherë.

“Nga veprimet e kryera nga grupi hetimor dhe këqyrja e kamerave të kësaj Banke, ka rezultuar se një shtetas pasi ka thyer xhamin me sende të forta (gurë), ka hyrë brenda Bankës ku ka kontrolluar sirtarët dhe më pas është larguar pa marr asgjë, sipas edhe deklarimeve të punonjësit të bankës”, sqaron policia.

Policia po punon për identifikimin dhe kapjen e autorit të kësaj ngjarjeje.

Shpërndaje në rrjete sociale

Lajmet më të lexuara

Të ngjashme

Foto lajm